Будем как солнце!
Справаздача па рэзультатах ыскпедыцыі

Па рэзультатах праведзеных доследаў былі атрыманыя ўнікальныя фотаздымкі (пакуль апрацоўваюцца) і зробленыя наступныя высновы:

- за некалькі гадзін можна падняць тэмпературу ад мінус бясконцасці да +4-+6 па Цэльсію;

- за суткі – да +15,5 (па тым жа Цэльсію);

- выжыць ва ўмовах нізкіх тэмператур можна пры наяўнасці вялікай колькасці цёплай ежы і некалькіх коўдраў на кожнага чалавека;

- гуляць зімой (каля 30 адсоткаў шляху пераадольваючы па калена ў снезе) можна каля 2 гадзін;

- магчымая для прачытання колькасць старонак за адзін дзень у экстрэмальных умовах: лёгкае чытанне (Байет) – 200; складанае чытанне (Арыстоцель) – 1;

- жаданне чысціць зубы і мыць посуд – адсутнічае;

- сузіранне зімовага лесу дае насалоду амаль пры любых умовах.



Вывучаныя верагоднасці (усе вымярэнні – у адсотках):

- убачыць у лесе сляды дзіка – 30;

- убачыць у лесе дзіка – 0;

- убачыць у лесе сляды вавёркі (не блытаць з Вавёркай) – 80;

- убачыць у лесе Вавёрку – 0;

- праламіць лёд ручая нагой – 90;

- праламіць лёд ручая снегам – 40;

- знайсці Лысую гару – 90;

- дабрацца зімой да Лысай гары – 10;

- пералезці праз плот, амаль яго не пашкодзіўшы – 50;

- паслізнуцца на мастку – 80;

- убачыць двух кароў і каня, што качаецца на снезе – 70;

- знайсці ў лесе акопы – 100;

- ацаніць неабходнасць цяпла – 100;

- успрыняцце лірыкі Сыса і Бабкова – 50 (палова ўдзельнікаў эксперымента);

- успыняцце тэлеперадач – 50 (тое самае) :);

- замярзанне ноччу пад двума коўдрамі – 50;

- здольнасць падняцца ў 8 гадзін раніцы – 0;

- здольнасць падняцца ў 9 гадзін раніцы – 0;

- паяданне згушчонкі і шакалада – 110.